तुझा-माझा पाऊस

पाऊस माझं थेंबांच गीत
पाऊस माझं जीवन संगीत |
पाऊस म्हणजे तुझ्या माझ्या
हळुवार स्पर्शातली लाजरी प्रीत...

पावसाचं अचानक बरसणं
ओंजळीत तुझ्या माझे स्वर्ग साठणं |
केसांतून तुझ्या माणक ओघळताना
माझं हसणं नी तुझा रुसणं ...

 माझा पाऊस शांत असतो
चहासोबत सजणारा |
तुझा पाऊस केवळ अवखळ
शब्दा-शब्दांत पाझरणारा ...

मनी दाटलेल्या पावसाचं
माझा अकल्पित नात वाटतं |
तुझ्या-बरोबरच त्याचंही
रोज नवा रुपडं भेटतं ...

तुझ्यासोबत पाऊस माझा
हास्याचा धबधबा असतो |
दुःख हलकेच सामावणारा
आनंदाचा सागर भासतो ...

कधी कधी कळतंच नाही
पावसात तू की तुझ्यात पाऊस |
मग मन हळूच म्हणत
प्रियेच्या उत्सवाला नजर नको लावूस ...

 

--जून 2011

प्राची (धुंद फुलपाखरू )