पाऊस

पाऊस श्रावणाचा
मनी मोरपिसारा दाटतो,
का हा पाऊस सारखा
प्रियकर म्हणुन भेटतो..

रंग उडालेल्या मनाला
इंद्रधनू बनवतो हा पाऊस,
अश्रु पुसून माझे
मनाला हसवतो हा पाऊस ..

कधी रूसतो कधी फुगतो
तुझ्या सारखाच  हा पाऊस ,
घट्ट मिठीत घेताच
कसा फ़ुलतो हा पाऊस ..

ओठांना चुंबून माझ्या
कसा लाजवतो हा पाऊस ,
सर्वांगाला स्पर्शून माझ्या
शिरशिरी जागवतो हा पाऊस ..

कधी खेळतो लपाछपी अन
ढगाआड दडुन बसतो हा पाऊस ,
मग ऐकुन माझी आर्जवे
अविरत बरसतो हा पाऊस ..

कधी छेडतो कधी भुलवतो
नटवा भुरटा हा पाऊस ,
कुण्या काळचा प्रियकर,सर्वार्थाने
माझाच बनुन राह्तो हा पाऊस ..

जुलै २००९

प्राची (धुंद फ़ुलपाखरु)..